Kshitiz ke paar jaana hai ..

A Friend of mine Sunil Kr Singh wrote this poem.

kshitiz ke paar jaana hai

ek naya sansaar banana hai

sankuchit si lagti hai duniya

seemaon ko nirarthak banana hai

sunte aaye aaj tak ki

sambhav nahi hai ye swapna

saare khyalo ko dur bhagana hai

ek naya sansaar banana hai

apni kayarta ko dur bhagana hai

mila ke haath, is nabh ko bhi

dharti se milana hai
ek naya sansaar banana hai

us sansaar me koi dukhi na hoga
ye kah nahi sakte
par sabke paas dukh batane ka sukh hoga
aisa ek sansaar banana hai

Ram rajya me rajya baad me
pahle apne Raam ko Lana hai
ek naya sansaar banana hai
kshitiz ke paar jaana hai
naya sansaar banana hai